Cashback комбо

Кешбек момент за секој клиент!

Креди Јес започнува нова промотивна кампања „Cashback комбо“, која ќе се реализира во периодот од 14 јули до 31 август 2025 година. Кампањата е наменета за сите клиенти кои ќе склучат договор за кредит во овој временски период, при што имаат можност да остварат поврат од 10% на исплатената главница директно на својата трансакциска сметка.

Право на учество имаат сите клиенти кои ќе подигнат потрошувачки кредит во форма на кредит на рати или кредит за лојални потрошувачи, под услов кредитот да биде одобрен и подигнат во рамки на дефинираниот промотивен период. Дополнително, клиентот треба да ги подмирува месечните обврски навремено, при што се дозволува доцнење не подолго од седум дена за секоја поединечна уплата.

Повратот на средства, односно cashback-от, ќе изнесува 10% од исплатената главница и ќе биде исплатен по истекот на кредитниот договор или по целосната исплата на главницата, во зависност од тоа што ќе настапи прво. За да се изврши трансферот на средствата, клиентот треба да има активна денарска трансакциска сметка. Во случај да не поседува таква сметка, ќе биде потребно да отвори пред исплатата.

Повеќе информации за кампањата „Cashback комбо“ може да се добијат во најблиската подружница на финансиското друштво или на телефонскиот број 15 250.

АПЛИЦИРАJ СЕГА!

 

ОПШТИ УСЛОВИ

I. ОПШТИ ОДРЕДБИ

Овие Општи услови ги уредуваат правилата за спроведување на кампањата „Cashback комбо“ (во натамошниот текст: Кампања), организирана од страна на Финансиско друштво КРЕДИ ЈЕС ДОО Скопје.

Овие услови се изготвени согласно важечката законска регулатива во Република Северна Македонија и ќе бидат објавени на официјалната веб-страница на Организаторот.

II. ОРГАНИЗАТОР

Организатор на Кампањата е Финансиско друштво КРЕДИ ЈЕС ДОО Скопје, со седиште на адреса: ул. Јуриј Гагарин бр. 17, Скопје, во натамошниот текст: Организатор.

III. ВРЕМЕТРАЕЊЕ НА КАМПАЊАТА

Кампањата се спроведува во периодот од 14.07.2025 до 31.08.2025 година.

IV. УСЛОВИ ЗА УЧЕСТВО

Право на учество во кампањата има секој клиент кој:

• ќе склучи договор за кредитен производ од типот „Кредит на рати“ или „Кредит  за лојални потрошувачи“ во рамки на наведената промоција;
• нема задоцнување поголемо од 7 дена во уплатата на месечните рати за целиот период на отплата.

V. ИЗНОС И ИСПЛАТА НА CASHBACK

• Секој клиент кој ги исполнува наведените услови има право на поврат од 10% од главницата на одобрениот кредит.
• Исплатата на cashback износот ќе се изврши по исплата на последната рата, односно по целосно затворање на главницата.
• Средствата ќе бидат исплатени на лична денарска трансакциска сметка на клиентот. Клиентот е должен да достави соодветен доказ за сопственост на сметката (или да отвори сметка ако не поседува).

Пример:
Ако клиент добие кредит со главница од 30.000 денари и редовно ги плаќа ратите без задоцнување поголемо од 7 дена, по целосна исплата на кредитот ќе му бидат вратени 3.000 денари на неговата трансакциска сметка.

VI. ЗАВРШНИ ОДРЕДБИ

• Организаторот го задржува правото еднострано да ги измени или дополнува овие Општи услови, како и условите на кампањата, во било кое време.
• Сите измени ќе стапат на сила со нивното објавување на официјалната веб-страница на Организаторот.
• Со учество во кампањата, клиентот се согласува со сите правила наведени во овие Општи услови.